Siglir tar il cuntegn

Surselva Naginas dronas a Flem

Ina nova regla scumonda da sgular u filmar cun dronas sur il lai la Cauma a Flem, quai ha decis la radunanza communala da Flem.

Vista d'ina drona professiunala
Legenda: Fotografia d'ina drona professiunala sur il lai da Cauma. www-air-view.ch

Las dronas na dastgan betg pli sgular sur il lai la Cauma. Il motiv sajan reclamaziuns d’indigens sco era da turists, di il president communal da Flem Adrian Steiger. Las dronas sajan memia dad aut. Plinavant disturbian ellas la sfera privata dils osps. En il mender cas po ina drona era crudar per tiara e tutgar visitaders.

Pertutgads dal scumond da dronas èn: il lai la Cauma, il lai la Cresta, il lai Prau Pulté, il campadi Prau la Selva, lai Tuleritg e la Muttahöhe. En cas d'in surpassament da las reglas ston ins quintar cun in chasti.

En quests lieus ha la suprastanza communala plinavant scumandà da tadlar musica cun boxas sco era da grillar.

RR actualitad 12:00