Surselva - Nagins gronds donns a chaschun da bova en Val Carrera
Sin la lingia da la Viafier retica en Surselva curseschan ils trens puspè tenor urari. Suenter che la ferma plievgia ha inundà ina part dal binari tranter Valendau e Versomi è la lingia puspè libra.
Gronds donns n'haja betg dà. Quai ha communitgà la Viafier retica. Dapi ier saira las set fin questa damaun las 07:40 è la lingia stada bloccada. Ils passagiers èn vegnids transportads cun bus.
En las ulteriuras parts dal Grischun n'hai dà naginas bovas u impediments da traffic pli gronds. Quai ha communitgà la Polizia chantunala.