Nagins problems cun ils requirents d’asil a Mustér

Dapi quasi in mais èn persunas che tschertgan asil en Svizra a Mustér. Ellas han dimora en l’hostel Cucagna. Sco la manadra da quest hostel Marianne Röthlisberger ha confermà ad RTR sajan il mument 70 requirents d’asil là.

l'hostel Cucagna Bild in Lightbox öffnen.

Legenda da maletgs: L'hostel Cucagna. RTR, H. Giger

Mintgatant entaupan ins persunas cun pel stgira sin via a Mustér. E plirs indigens conferman ch’els salidan.
Ils vischins dal center d’asil dian ch’els n'hajan betg gì problems fin uss. Ils requirents d’asil sajan curtaschaivels e servetschaivels e veglian schizunt gidar sch’i dettia ina chaschun.

Marveglias

Il substitut dal manader dal Coop Pauli Steger di ch’ils requirents d’asil vegnian savens a cumprar en. Fin uss n'hajan els gì nagins problems. Quai conferma Lorenz Vincenz ch'è vischin dal hostel Cucagna e che fa part da la gruppa da lavur dal center d’asil. Mo el haja percurschì che la glieud da Mustér giaja uss pli savens tras il quartier – pervia da las marveglias.

Naginas reclamaziuns

Er il president da vischnanca Francestg Cajacob di ch’els n'hajan gì naginas reclamaziuns.

RR actualitad