Siglir tar il cuntegn

Surselva Naziunala da ballape austriaca vegn a Schluein

L'emna che vegn trenescha l'equipa naziunala da ballape da l'Austria en Surselva. Quai dovra sa chapescha blera lavur e perquai er blers voluntaris che sa gidan - e cler sco dapertut datti jobs dumandads e jobs main dumandads.

Sin quai plaz gioga l'equipa naziunala da ballape l'emna che vegn.
Legenda: Plaz da ballape a Schluein Sin quai plaz gioga l'equipa naziunala da ballape l'emna che vegn. RTR, P. Bundi

Il pli blers voluntaris dovra quai sa chapescha avant, durant e suenter il gieu da test tranter la naziunala da l'Austria e l'uniun sportiva Schluein/Glion. Radund 100 voluntaris dovra quai lura, di il president da l'uniun Simon Lutz. Saja quai survir en ina da las ustarias, reglar il traffic, direger la glieud, schubregiar u schizunt tgirar ils stars da la naziunala austriaca. Cler è dentant er che betg tut ils jobs èn tuttina dumandads.

Legende: Video Simon Lutz davart ils posts dumandads abspielen. Laufzeit 0:24 Minuten.
Dals 20.05.2016.

Voluntaris na dovra quai dentant betg mo durant il di dal gieu mabain er ils dis avant, cura che la naziunala da ballape austriaca trenescha. Cunzunt durant ils trenaments publics ch'ins po ir a guardar dovra quai blers voluntaris. Tuna suenter fitg blera lavur mo pervia che la naziunala da ballape dals austriacs è sin visita. Guardar per lur segirtad e survir si ils austriacs. Simon Lutz vesa quai dentant betg uschia:

Legende: Video Ins po sa mussar da la megliera vart abspielen. Laufzeit 0:31 Minuten.
Dals 20.05.2016.

E sa mussar da la megliera vart possian ins cunzunt er pervi da tut ils voluntaris che stettian a disposiziun durant l'entir'emna per sa gidar.

RR actualitad 07:00