Siglir tar il cuntegn

Header

Ils Nepalais sin pista a Mustér.
Legenda: Ils Nepalais sin pista a Mustér. RTR, H. Giger
cuntegn

Surselva Nepalais emprendan d’ir cun skis a Mustér

In gruppa da guids da muntogna dal Nepal (« climbing sherpas ») è quest’emna a Mustér. Si Caischavedra treneschan els d’ir cun skis ubain far turas.

Sco els han ditg a RTR hajan els grond plaschair, schegea che quai na saja betg lev d’ir cun skis. Mo quests umens èn endisads cun gronds strapazs, la finala van els sco guids da muntogna sin muntognas da passa 8000 meters autezza. L’onn passà sajan els stads a far in curs en l’India. Suenter Mustér giajan els a Chamonix.

Instrucziun da Ervin Jacomet

Il guid da muntogna da Mustér Ervin Jacomet instruescha els. El mussa per ex. co tegnair la festa ubain co far ils dretgs moviments. Ervin Jacomet è stà pliras giadas en il Nepal a far turas. Ina giada haja in sherpa dumandà el sch’ins pudessi organisar in tal curs. Ed uss fetschia el quai ensemen cun in Franzos.

I va schon detg bain!
Legenda: I va schon detg bain! RTR

In runal ubain ina sutgera en il Nepal?

Las finamiras sajan ch’ils Nepalais hajan plaschair d’ir cun skis, ch’els possian instruir sezs in di autras persunas da lur terra e ch’els possian far public quest sport en il Nepal. E la finala fissi era bun, sch’els chattassan partenaris per construir in di ina sutgera ubain in runal en il Nepal.

RR Actualitad bunura 06:00

Artitgels legids il pli savens

Scrollar a sanestra Scrollar a dretga