Il president da Nordic Surselva Flurin Maissen propona da crear ina plazza d'in manader da fatschenta. Quai surtut era per survegnir pli bleras cumpetenzas.
Era ils presidents da las vischnancas da Trun e Mustér sustegnan questa proposta.
Igl è sa chapescha betg uschè simpel da chattar ina persuna qualifitgada che po era far questa lavur.
Dapli cumpetenzas ad in manader da fatschenta
Sco il president communal da Trun Dumeni Tomaschett di, haja Nordic Surselva fatg fin uss la lavur. Mo las structuras sajan sa midadas e las vischnancas hajan stuì surpigliar pli blera responsabladad.
Era il president communal da Mustér Robert Cajacob di ch’i na fiss betg in problem da fundar in'organisaziun cun in manader da fatschenta en plazza parziala e dar a quella pli bleras cumpetenzas.
Vischnancas finanzieschan l'infrastructura
Il sport da passlung è daventà pli e pli impurtant per la regiun. Nordic Surselva è responsabel e prepara ina loipa da passa 30 kilometers da Trun a Mustér. Las trais vischnancas da Trun, Sumvitg e Mustér finanzieschan l’infrastructura, sajan quai chanuns da naiv u far il trassé e las punts da la loipa.
RTR actualitad 11:00