La notg da cultura Surselva ha lieu ils 20 da zercladur. L'occurrenza vegn organisada entras la Banca Raiffeisen Surselva è in dals gronds eveniments culturals en Surselva. L'onn passà èn prest 2000 persunas sa participadas a l'occurrenza. Pussaivla è quella quest onn be suenter ch’il Cussegl federal ha schluccà las mesiras da corona.
Impurtant è ussa che la glieud sa muventa puspè. Tuts dovran quai, ils artists, las ustarias ed era ils giasts dovran quai, da puspè sa dar giu in cun l’auter e giudair insatge en in’autra atmosfera che mo adina sut corona cun quellas restricziuns
Vitiers vegn ch’ils visitaders da la notg da cultura na s'entaupan betg en in lieu, mabain vegnan repartids sin passa 35 ustarias da la Surselva.