Nov gimnasi englais a Mustér - «La purschida nova enritgescha la communitad da la scola»

FMR: Co pon ins chapir questa collavuraziun: Studegian scolars e scolaras a Mustér e Winterthur u alternantamain?

Tom Etter: La purschida da fin ussa qua a Mustér vegn mantegnida. Ella è vinavant destinada sco purschida per scolaras e scolars da la Surselva, dal Grischun, la Svizra e dal exteriur che culan far la matura. Tar l’autra scola pon la scolaras ed ils scolars tscherner sch’els vulan absolver il studi a Mustér u a Winterthur. Els pon er midar il lieu, vul dir ir in u dus onns a scola a Winterthur e lura in u dus onns a Mustér. Uschia pon els tscherner tranter in studi en citad ni en las muntognas.

FMR: l gimnasi da Mustér è gia internaziunal. Tge spetga ussa da nov sin il gimnasi da la claustra da Mustér, per exempel pertutgant il dumber da scolaras e scolars?

Tom Etter: Nus quintain a Mustér e Winterthur cun mintgamai diesch fin dudesch scolaras e scolars l’onn. Quant ch’è vegnan ad esser en l’emprim onn che entschaiva en avust na savain nus betg anc., damai che la promoziun da questa purschida nova entschaiva pir ussa. Nus quintain cun scolaras e scolars da la Svizra, ad l’entira Europa u e d’auters continents, surtut l’Asia.

FMR: Co vesa ora quest studi concretamain?

Tom Etter: Las scolaras ed ils scolars cuntanschan in diplom internaziun che pussibilitescha ad els da frequentar in studi universitar. Per che quai saja pussaivel è necessari ina media da notas suffizienta. Da principi è quai in diplom da scola media. En quest connex pudain nus profitar da las experientschas da l’Academia Group. Quel è er d’impurtanza per la furmaziun en Surselva. Gist en la partenza da questa  purschida nov è la savida da l’Academia Group da grond avantatg.

FMR: Nova purschida vul er dir novas structuras. Tge sa mida al gimnasi a Mustér?

Tom Etter: Da principi na sa mida nagut, auter che nus avain ina nova scola cun in nova purschida. Nus avain capacitads d’infrastructura persuenter. Pertutgant las forzas d’instrucziun medemamain, sequent la dumandà vegni dentant ad esser necessari da guarda per ulteriuras magistras e magisters. Las scolaras ed ils scolars da questa scola nova vegnan instruids en ils medems bajetgs, ha natiralmain dentant in’instrucziun separada. Noss gimnasi è gia internaziunal, quai enritgescha la vita en scola. Uschia pon vegnir fatgs contacts per vita duranta.