Siglir tar il cuntegn

Header

cuntegn

Surselva Nov plaz per la tur da Val?

I dat moviment tar la 7132 SA, ed ils indizis mussan sin l’entrada dal vitg da Val.

audio
Bunura: La 7132 SA tschertga in nov lieu per la tur da Val
ord Actualitad dals 14.03.2017.
laschar ir. Durada: 57 Secundas.

Gia il settember da l'onn passà è vegnì speculà che la tur da 381 meters a Val na possia betg vegnir bajegiada gest sper il bogn termal. La vischinanza cun la funtauna da l’aua da Val na sa cumportia betg.

Nus essan vid evaluar differentas chaussas, uschè spert sco i daventa concret vegnin nus ad orientar.
Autur: Remo Stoffel

Quai è stà d'udir da Remo Stoffel, l'iniziant da questa tur. Ch'il plaz nua che la tur duai vegnir bajegiada n'è anc betg segir constat. Ma ch’i vegn tschertgà in nov plazzal para d'esser segir.

Sco quai che Richard Atzmüller il manader da l'uffizi per il svilup dal territori dal chantun Grischun ha attestà al schurnal regiunal dad SRF, sajan els vegnids contactads da la 7132 SA en connex cun ina evaluaziun per in plazzal. Quella evaluaziun tractava sulettamain la savida tecnica, ed il chantun na saja betg vegnì orientà tge che l'evaluaziun haja vairamain purtà.

Era il president da la vischnanca da Val Stefan Schmid ha confermà quai. Envers SRF ha el menziunà ch'ils sulets plaz che vegnian en dumonda sajan a l'entrada dal vitg e quai sajan plaz che sa chattan en zona cotschna da lavinas.

RR novitads 20:00

Artitgels legids il pli savens