Siglir tar il cuntegn

Header

cuntegn

Surselva Nov president per Casa s. Martin a Trun

Daniel Tuor daventa nov president da la cumissiun da la chasa d'attempads a Trun. El succeda a Mathias Bundi.

La cumissiun da gestiun da la Casa s. Martin a Trun ha elegì Daniel Tuor sco nov president. Quai scriva la Casa s. Martin en ina communicaziun. Plinavant ha Daniel Tuor era surpiglià il presidi da la Fundaziun Casa s. Martin.

L’anteriur president communal da Trun è vegnì elegì sco successur da Mathias Bundi. Lez è sa retratg suenter 24 onns al timun da l'instituziun. Durant quest temp han ins investì passa 16 milliuns en l'infrastructura da la chasa d'attempads, tranter auter è ella vegnida engrondida.

Da nov fa er Erica Pfister-Cavegn da Schlans part da la cumissiun.

RR novitads 07:00

Artitgels legids il pli savens