La midada da la posta en ina agentura è stada la varianta che la vischnanca Lumnezia ha preferì per la fracziun da Vrin. Cun questa varianta vegn rinforzà il negozi dal vitg ed ils da Vrin san uschia vinavant far lur fatschentas da posta el vitg.
Fracziun vasta
La fracziun da Vrin è ina fracziun spattitschada cun plirs aclauns sco Ligiaziun, Cons, Vrin Dado e Tgaminada. Per quels aclauns fis il servetsch da chasa, sco la posta aveva era offrì per Vrin, stà pli d’engrà. Uschia ès i stà d’udir a Vrin, che betg tut la glieud saja cuntenta cun la decisiun da far ina agentura en il negozi dal vitg.
Serrada nagina surpraisa
Che la posta vegnia serrada sminavan ils da Vrin gia daditg. Igl onn 2009 aveva i gia dà las emprimas contractivas cun la posta, perquai che las frequenzas sin la posta da Vrin na bastavan betg. Sin igl urai dal bus da Posta e scolars da Vrin ha la midada en ina agentura nagina influenza.