Nova halla da gimnastica dal gimnasi da Mustér

Venderdis, ils 26 da favrer 2016, è la halla da gimnastica nova dal gimnasi vegnida inaugurada. L’avat Vigeli ha benedì la halla.

L'avat benedescha la halla nova. Bild in Lightbox öffnen.

Legenda da maletgs: L'avat benedescha la halla nova. RTR, H. Giger

Tgi che veglia avair success stoppia trenar, en halla il corp ed en scola il spiert. Tut ensemen furmia quai ina unitad sauna, uschia l’avat.

Lavurs han cuzzà 5 mais

Las lavurs per renovar la halla han cuzzà tschintg mais. Il palantschieu da la halla è nov ed ils urdains da sport èn vegnì remplazzads e cumplettads. Nova èn era la tualetta e l’entrada, ed uschia èn las sortidas d’urgenza vegnidas engrondidas. Plinavant datti ina paraid da raiver ed ils vaiders èn vegnì remplazzads per motivs energetics.

Ina represchentaziun da scolars dal gimnasi. Avrir maletg en lightbox.

Legenda da maletgs: Ina represchentaziun da scolars dal gimnasi. RTR, H. Giger

1,1 milliun francs

La claustra da Mustér ha investì 1,1 milliuns francs per la halla da gimnastica nova. Ils architects èn stads la Fanzun SA.