Siglir tar il cuntegn

Header

cuntegn

Surselva Nova proposta per sviament da Rabius vers Surrein

Il chantun propona ina nova varianta per megliurar la situaziun da traffic che va amez tras Rabius vers Surrein.

Actualmain èsi dad ir tras il quartier da Caho per ir da la via chantunala a Rabius fin Surrein u bain en la zona d'industria. Gist la zona d'industria procura lura era ch'il traffic grev crescha ad in crescher sin questa via, ch'è stretga e nua che camiuns han strusch pussaivladads da cruschar.

audio
Saira: Via da colliaziun tranter Rabius e Surrein
ord Actualitad dals 15.12.2017.
laschar ir. Durada: 1 minuta 55 Secundas.

Per schliar quest problem è la vischnanca dapi intgins onns en contact cun il chantun. Ussa ha quel preschentà ina nova varianta. Quella sviescha il traffic sur la Via da Marias en l'ost da Rabius giu sut la lingia da viafier e lura parallel sut quella fin tar la via chantunala actuala, che maina vers Surrein. Tenor il president communal Armin Candinas è quai ina buna soluziun, perquai che nagins quartiers d'abitar èn sper questa via.

Il chantun quinta cun custs da 2,3 milliuns francs. Sch'il chantun bajegia questa via, lura daventa la via che maina tras il quartier da Caho fin tar la staziun ina via communala, vul dir che la vischnanca ha da mantegnair ella.

Proposta d'avant dus onns:

Artitgels legids il pli savens