Siglir tar il cuntegn

Header

video
Scarsolar en naiv nova
Or da Telesguard dals 10.02.2016.
laschar ir. Durada: 3 minutas 6 Secundas.
cuntegn

Surselva Nova scarsola per ir en naiv entira

Ins vesa sin l’emprima egliada che la scarsola è in apparat tecnic, cun materials custaivels sco carbon ed aluminium. L'entira scarsola paisa 7,5 kilos, e custa bunamain 700 francs.

Ils schlusigls han la ladezza d'in mez snowboard. Cun resgiar permez in tal avevan ils experiments da l'inventader Dieter Blessing entschet.

La tecnica per manar la scarsola n’è betg dal tuttafatg simpla. Pli taissa ch’ina plaunca è, e tant pli enavos sch’ins sto seser, tant meglier che la scarsola sa lascha manar.

La scarsola "FreeRide ALPIN" en acziun
Legenda: La scarsola "FreeRide ALPIN" en acziun RTR, L. Livers

Il spass ha era ina fin

Mintgin è sez responsabel quai che pertutga il privel da lavinas sch’ins va en la naiv nova. Zonas da ruaus per la selvaschina ston medemamain vegnir resguardadas. Era datti in cunfin quant naiv nova ch’i astga avair per che la scarsola funcziunescha anc. Igl inventader Dieter Blessing manegia, sch’i giaja betg pli bain dar ir cun gianellas, lura funcziunescha la scarsola era betg pli.

Dieter Blessing igl inventader da la scarsola per la naiv entira
Legenda: Dieter Blessing igl inventader da la scarsola per la naiv entira RTR, L. Livers

Nova purschida per Stussavgia turissem

Betg esser abel dad ir cun skis u cun aissa è davent dad uss nagin motiv pli per betg far turas en la muntogna durant l'enviern. La scarsola per naiv entira duai garantir plaschair ed aventura sin il viadi a chasa. Uschia vul la Stussavgia turissem vender quella nova purschida, bain savend che quai vegn a restar in product da nischa.

Fin uss èn vegnidas producidas 20 scarsolas da l'inventader Dieter Blessing. El haja anc material per producir ulteriuras 50. Sin in boom pli grond na sa preparia el betg.

Artitgels legids il pli savens