Siglir tar il cuntegn

Header

cuntegn

Nova staziun Glion Festa a Glion – staziun nova è inaugurada

11 onns e 29 milliuns suenter l’emprima idea è l'emprima part da la nova staziun da Glion uss realitad.

L'inauguraziun parziala dal sutpassadi e dals binaris ha fatg attent ch'i va vinavant a Glion. La segunda etappa è gia en planisaziun, cun in'ulteriur sutpassadi che maina direct tar il nov plaz dals autos da posta.

Il nov bajetg da la staziun è medemamain en planisaziun. Plinavant vegn il plaz per ils autos da posta dischlocà e construì da nov. Quai vegn a succeder ils proxims quatter onns.

Las renovaziuns da staziuns da la Viafier retica duain er pussibilitar a persunas cun impediments l'access liber als trens da la Retica. Tar l'inauguraziun da l'emprima etappa da la staziun da Glion era er quai tema:

Rampa dal sutpassadi memia taissa?

Tenor Robert Casanova, che va cun sutga da rodas, è la rampa che maina tar il sutpassai gist inaugurà memia taissa. Engiu sappia el metter avant da charrar, ma ensi saja quai per el sulet betg pussaivel.

La rampa cha maina sin ils binaris 2 e 3.
Legenda: È la rampa sin ils binaris 2 e 3 memia taissa? RTR, Linus Livers

Quai attestescha er Martina Tomaschett, che cusseglia la Viafier retica en chaussa lescha d'egualitad per persunas cun impediments. La rampa ha ina pendenza da 12%. Quai è il maximum, ch'è lubi tar in'entrada d'in sutpassadi cuvert.

Nus avessan gugent 6% pendenza mo quai è betg adina pussaivel. Da la rampa engiu è per mai nagin problem mo ensi è quai strusch da dumagnar.
Autur: Martina Tomaschett cussegliadra lescha egualitad per persunas cuimpediments

RR actualitad 08:10

Artitgels legids il pli savens