Temp da racolta munta a Trin blera lavur. Passa 1000 plantas cun bist aut sa chattan sin il territori da la vischnanca. Il mument è la racolta da paira en plaina acziun. L'uniun per la tgira da pumera da Trin, era numnada LOV T, ha 100 commembras e commembers. In pèr gidan a racoltar.
Quai dat blera lavur, ma igl è ina bella lavur. Nus essan ina uniun, nus ans gidain.
La finamira è da torrer la paira per las spezialitads da Trin: Raviuls, ina sort raviolis emplenids cun paira tosta, e paun cun paira. Ma era autra puma po vegnir torrida.
Ina Dörrex par excellence
Per far questa lavur ha Trin da nov in grond furn, ina sort Dörrex par excellence, amez il vitg. Tar ina temperatura da 50 enfin 70 grads è la paira en il furn. Suenter 40 uras è la paira tosta. Precis sin l'ura guarda il maister da la torraria, Daniel Recher. El è dapi curt pensiunà e fa questa lavur voluntariamain.
Jau hai per mintga fritg in'auter program. Jau hai gia torrì tomatas, bliuschas, chips da paira e zuchinis.
Impressiuns da la torraria Trin
-
Bild 1 von 8. La torraria a Trin. Bildquelle: RTR.
-
Bild 2 von 8. Daniel Recher, il maister da la torraria vid la lavur. Bildquelle: RTR.
-
Bild 3 von 8. La paira è tosta suenter 40 uras en il furn. Bildquelle: RTR.
-
Bild 4 von 8. Puma e legums setgentads en la torraria Trin. Bildquelle: RTR.
-
Bild 5 von 8. La paira è pronta per il furn. Bildquelle: RTR.
-
Bild 6 von 8. Lavur a maun en la torreria. Bildquelle: RTR.
-
Bild 7 von 8. Gidantras racoltan a Trin Digg. Bildquelle: RTR.
-
Bild 8 von 8. La paira è madira e racoltada. Bildquelle: RTR.
La torraria è il mument en ina fasa da test. La finamira è da ramassar experientschas e far pli enconuschenta la purschida. A chaschun da la faira da Trin che ha lieu ils 28 d'october, po la populaziun degustar la puma torrida e raccoltada a Trin.