L'impuls da reducir la spertadad sin la via chantunala a Mutteins ha la vischnanca survegnì questa primavaira suenter in accident mortal sin quest tschancun da la via. Suenter quest accident ha ina convischina dumandà la suprastanza communala, sch’i na fiss betg pussibel da far pli segir quest toc da la via. Il president communal Clau Schlosser è lura sa drizzà al chantun cun la dumonda d’installar ina zona da 60 a Mutteins.
Via entaifer in vitg
Per pudair reducir la spertadad lubida sin 60km/h ha il chantun stuì declerar il toc da la via chantunala sco «via entaifer in vitg». Perquai èn er vegnidas montadas tavlas dal lieu ensemen cun la limita da spertadad. Per la vischnanca n’ha questa nova via entaifer il vitg naginas consequenzas. Cun la nova gulivaziun da finanzas surpiglia il chantun ils custs da mantegniment da la via.
RR actualitad 07:00