Siglir tar il cuntegn

Header

cuntegn

Novas furmas d'agricultura Naginas columbas per Duin

Atgnamain fiss tut stà pront per las columbas da charn da la Frantscha. Dentant – empurtar columbas ord l'Uniun europeica n'è betg uschè simpel.

A Duin vuless Romano Deplazes entschaiver cun ina tratga da columbas da charn. Planisà era che las columbas vegnan furnidas la davosa emna direct ord la Frantscha.

Columbas na correspundan betg a las leschas svizras

Curt avant che las columbas avessan gì dad ir sul cunfin, ha l'acziun stuì vegnir interrutta. Las columbas ord l'UE na correspundan betg a la lescha svizra.

audio
Mezdi: Duvin e las columbas
ord Actualitad dals 02.07.2019.
laschar ir. Durada: 2 minutas 42 Secundas.

Il punct dispitaivel è la virolaziun cunter in virus fitg contagius, ch'è parent cun la pesta da giaglinas. Fertant che l'UE pretenda ina virolaziun cunter il virus «Newcastle Disease», scumonda la Svizra quella.

Dentant – er en Svizra datti differenzas

Auter che las columbas da charn dastgan vegnir viroladas las columbas da hobi. Che la situaziun è cumplexa confirma era il veterinari chantunal Giochen Bearth. Perfin ils contracts bilaterals cun l'UE han in'influenza sin l'import da las columbas. Sco el di saja grev da tegnair en tut las leschas e tuttina survegnir columbas da buna qualitad.

RR actualitad 11:40

Artitgels legids il pli savens