Siglir tar il cuntegn
cuntegn

Surselva Novs campiuns grischuns da troccas

Per la 14avla giada è vegnì giugà il campiunadi grischun da troccas. A Rabius en chasa da scola han 120 persunas sco equipas da dus giugà per il titel da campiuns grischuns.

Novs campiuns grischuns da troccas èn Lucas Janka ed Urs Gautschi da Trun. Vice-campiuns daventan Vitus Dermont e Sebastian Camathias da Laax. Il podest cumpletteschan ils dus giuvens Lucas Tschalèr da Glion e Matthias Schmucki da Mustér.

Participaziun fitg auta

La participaziun è stada fitg auta e quasi in nov record. Perquai che duas persunas han dà giu la davosa minuta pervi da grippa è il record sulet egualisà. Ma ils responsabels èn cuntents cun la participaziun.

Da quellas 120 persunas eran quasi in terz dunnas (27%) e quasi mintga tschintgavel ha sut 40 onns (18%), uschia ch’ins po dir che la giuventetgna e las dunnas èn sutrepreschentadas. Mintga quarta persuna (26%) ch’ha giugà n’abitescha betg (pli) en Surselva. 18 persunas èn sa participadas per l’emprima giada al turnier.

RR actualitad 11:00