Per la 14avla giada è vegnì giugà il campiunadi grischun da troccas. A Rabius en chasa da scola han 120 persunas sco equipas da dus giugà per il titel da campiuns grischuns.
Legenda:
Ils campiuns:
Da sanester: Sebastian Camathias (2), Vitus Dermont (2), Lucas Janka (1), Urs Gautschi (1), Lucas Tschalèr (3) e Matthias Schmuki (3).
mad
2 / 4
Legenda:
Suenter las rundas hai era dà temp per inscunters e baterladas.
RTR, Gionduri Maissen
3 / 4
Legenda:
Era il buffet da pettas ha carmalà ils giugadurs.
RTR, Gionudri Maissen
4 / 4
Legenda:
René Epp, deputà da la Cadi, n'ha betg giu cletg cun las cartas.
RTR, Gionduri Maissen
Novs campiuns grischuns da troccas èn Lucas Janka ed Urs Gautschi da Trun. Vice-campiuns daventan Vitus Dermont e Sebastian Camathias da Laax. Il podest cumpletteschan ils dus giuvens Lucas Tschalèr da Glion e Matthias Schmucki da Mustér.
audio
Mezdi: Campiunadi da troccas: Entamez il baterlim che betg mintgin chapescha
02:59 min, ord Actualitad dals 15.01.2019.
laschar ir. Durada: 2 minutas 59 Secundas.
Participaziun fitg auta
La participaziun è stada fitg auta e quasi in nov record. Perquai che duas persunas han dà giu la davosa minuta pervi da grippa è il record sulet egualisà. Ma ils responsabels èn cuntents cun la participaziun.
Da quellas 120 persunas eran quasi in terz dunnas (27%) e quasi mintga tschintgavel ha sut 40 onns (18%), uschia ch’ins po dir che la giuventetgna e las dunnas èn sutrepreschentadas. Mintga quarta persuna (26%) ch’ha giugà n’abitescha betg (pli) en Surselva. 18 persunas èn sa participadas per l’emprima giada al turnier.
