Renata Gadola ha manà il campadi 16 onns, sia sora Brida Muscas 10 onns l'ustaria dal campadi Fontanivas che tutga al TCS. Ils successurs èn il pèr Kate e Thomas Zweidler, ha il pledader da medias dal TCS Daniel Graf ditg a RTR. Kate Zweidler surpiglia oravant tut l'administraziun dal campadi e Thomas Zweidler l'ustaria. Omadus mainan actualmain in campadi a Tavau Glaris. Sco Thomas Zweidler ha ditg, n'eran els betg cuntents cun il concept dal campadi a Tavau Glaris ed hajan tschertgà in auter. Casualmain hajan els vis ch'i vegnia tschertgà per Mustér novs manaders e perquai che Mustér haja plaschì sajan els sa decidids da surpigliar quel.
Durant la stad vegnan els a manar il campadi e durant l'enviern speran els da survegnir ina plazza sco cuschinier, respectiv sin ina recepziun.