Siglir tar il cuntegn
Inhalt

Surselva Nursas stgarpadas en Val Medel: Igl è stà in luf

Datiers dal Pass dal Lucmagn ha definitivamain in luf anc betg enconuschent stgarpà pliras nursas mez fanadur.

In luf.
Legenda: In luf (maletg simbolic). Keystone

Las 18 nursas ch'eran vegnidas stgarpadas mez fanadur en la Val Plattas sin intschess da la vischnanca da Medel èn definitivamain vegnidas mazzadas d'in luf. Sco quai che l'inspectur da chatscha Adrian Arquint ha ditg a l'agentura da novitads SDA, haja l’analisa da DNA mussà cleramain ch’ì sa tractia dad in luf. El supponia ch'i sa tractia d'in luf singul. Danunder ch’il luf vegnia, hajan ins dentant anc betg pudì determinar.

Las nursas tutgavan tar ina muntanera da plirs tschient tocs. Il di ora era quella vegnida survegliada d'ina pastura cun chaun. Sur notg n'accumpagnavan nagins chauns da protecziun questa muntanera. En quest territori fitg vast e per part fitg spundiv na saja igl er strusch pussaivel da rimnar e clauder la muntanera sur notg. Dapi l'eveniment è il territori vegnì observà.

RR novitads 17:00