Siglir tar il cuntegn
cuntegn

Surselva «Oh Tavanasa» sto spargnar

Igl è stà in’idea speziala da rimnar daners en la plattafurma da l’internet wemakeit. La finamira era da rimnar 10‘000 francs en 45 dis.

Michel Brunner, il responsabel da finanzas tar "Oh Tavanasa".
Legenda: Michel Brunner, il responsabel da finanzas tar "Oh Tavanasa". RTR, H. Giger

Mo l’acziun haja probabel fatg naufragi, di Michel Brunner, il responsabel da finanzas tar il project da giubileum «Oh Tavanasa». L’acziun è prest a fin ed els hajan rimnà strusch 20% da la summa. La consequenza è ch’i na dat era betg quests daners e ch’ils organisaturs ston spargnar tar las expensas.

Il preventiv per «Oh Tavanasa» è 308‘000 francs. Ina gronda part da quests custs saja probabel gia cuverta, di Michel Brunner. La stad 2015 vegn festivà il giubileum da 1250 onns Danis-Tavanasa. En quest connex datti in’exposiziun ed i vegn preschentà in drama. Las producziuns cuzzan dals 03.07.15 – 12.07.15.