Siglir tar il cuntegn

Header

video
Linus Flepp - il caricaturist da Mustér
Or da Telesguard dals 31.10.2018.
laschar ir. Durada: 3 minutas 3 Secundas.
cuntegn

Surselva «Oha» in cudesch da caricaturas

Las caricaturas da Linus Flepp vegnan publitgadas quasi mintga di en «La Quotidiana». Uss ha el edì in cudesch cun 311 caricaturas en colur che mussan la gronda varietad da caricaturas da Linus Flepp che fa mintgadi ina caricatura dapli.

L’emprim cudesch da Linus Flepp è in cudesch da caricaturas. Il cudesch sez ha quatter babs. Linus Flepp, l’artist, Bistgaun Cathomen, che ha fatg las legendas per las caricaturas, dr. Giusep Capaul che ha scrit la preambel ed in text per mintga chapitel e la finala Marius Hublard ch’è stà responsabel per la grafica e per il concept.

Giusep Capaul, Marius Hublard, Linus Flepp e Bistgaun Cathomen. (da sanester a dretg)
Legenda: Ils quatter babs da «Oha»: Giusep Capaul, Marius Hublard, Linus Flepp e Bistgaun Cathomen. (da sanester a dretg) RTR, Gionduri Maissen

Las caricaturas discurran per sasez

Quai duai en princip esser uschia, ma sch’ina caricatura è pli veglia ed il schabetg è gia passà per pliras emnas ni forsa gia onns, alura gida ina legenda da metter a lieu il maletg, declera Cathomen, che ha gì dapli lavur che quintà cun rediger e curreger ils texts. Ma el è era fitg cuntents cun l’ovra preschentada, tuttina cuntents sco era Linus Flepp sez.

Avess anc bleras caricaturas en truclet

Las 311 caricaturas publitgadas èn sulet ina part da las caricaturas fatgas da Linus Flepp. Mintgadi fa el ina nova caricatura uschia ch’el ha fin uss fatg passa milli. El pudessi uschia anc ina giada edir in sumegliant cudesch, ma il mument bastia quai, ha tradì Flepp.

RR actualitad 08:00

Artitgels legids il pli savens