Siglir tar il cuntegn

Header

plaz da tendas a l'openair lumnezia l'onn 2013.
Legenda: Il cas è uschia serrà per la polizia chantunala ed er per la procura publica. RTR, Linus Livers
cuntegn

Open Air Lumnezia 2018 Procedura penala pervi da probabel delict sexual è sistida

La procedura penala ch'era vegnida averta pervi d'in probabel delict sexual tar l'Open Air Lumnezia da l'onn passà è sistida. Quai conferma la procura publica dal chantun Grischun envers RTR.

La procura publica ha sistì la procedura perquai ch'ella n'ha betg pudì sclerir las circumstanzas cun la segirtad necessaria, uschia Franco Passini da la procura publica dal Grischun. La procura publica haja gia sistì il cas la fin avrigl. Las inquisiziuns che la polizia chantunala ha fatg ensemen cun la procura publica n'hajan betg manà a resultats clers. Il delinquent probabel na sto uschia betg quintar cun consequenzas.

Suenter l'Open Air Lumnezia dal 2018 aveva la polizia chantunala confirmà envers RTR ch'ella saja vegnida clamada la notg sin sonda sin l'areal da festa a Degen pervi d'in probabel delict sexual.

RR novitads 17:00