Siglir tar il cuntegn

Surselva Open Air Lumnezia cun musica da tuttas colurs

L’open air en las muntognas grischunas cun ina culissa magnifica ha lieu gia per la 32avla giada. Ella porscha durant trais notgs musica dals pli differents geners: 19 bands – da las Liricas Anals fin John Newman e Scooter.

Vista sin la tribuna da l'Open Air Lumnezia.
Legenda: L'Open Air Lumenzia ha lieu dals 21 fin ils 23 da fanadur 2016. RTR

L’Open Air Lumnezia cumenza er quest onn gia la gievgia saira e dat in palc a bands giuvnas ed anc main enconuschentas sco Giganto e Mattiu, No Future ubain la Delirious Mob Crew. Venderdi e sonda èn lura ils stars sin il palc principal: John Newman, Firtz Kalkbrenner, Scooter, Wanda e 77 Bombay Street.

E RTR emetta sco adina dad A fin Z, en il radio cun blers concerts, intervistas, revistas, vuschs dal public – e sin rtr.ch datti las cuntribziuns, intervisatas e bleras fotos online. E per la televisun realisescha la redacziun da Battaporta in film che mussa quai che capita avant e davos las culissas dal pli grond festival grischun.

RTR a l'Open Air Lumnezia:

  • Gievgia da las 20:00 fin las 24.00
  • Venderdi a las 14:00 fin las 17:00 ed a las 19:00 fin las 00:30
  • Sonda a las 14:00 fin las 17:00 ed a las 19:00 fin las 02:00
  • TVR – Cuntrasts: dumengia, ils 24 da fenadur, 17:25 sin SRF1

Online sin: www.rtr.ch e durant il open air sin facebook.com/battaporta. Ulteriurs details chatt'ins natiralmain era sin openair-lumnezia.ch, il link avra en ina nova fanestra.