Siglir tar il cuntegn

Surselva Open Air Trun cun deficit

Ils organisaturs da quest eveniment fan ina bilantscha plitost negativa. Sonda saira ha quai pluvì e perquai èn mo circa 250 persunas stadas a l’Open Air Trun sin il plaun Rensch tranter il Rain ed il guaud.

Open Air Trun, sonda saira ca. da las 21.00.
Legenda: Open Air Trun, sonda saira circa da las 21.00. RTR, H. Giger

Ideal fiss sch’il dubel persunas fissan vegnidas, di il president dal OAT Markus Steiner. Perquai ston els empruvar da curclar ils custs cun las reservas, cunquai ch’ils daners da sponsurs ed entradas na tanschian betg. Ils organisaturs han in preventiv da 35'000 francs. Ina gronda part da quests daners ston els impunder per l’infrastructura. Tranter 8000-12'000 francs dattan ils sponsurs. Tenor Markus Steiner n'èsi betg simpel da chattar sponsurs, mo els hajan in bun sustegn da las fatschentas dal vitg.

Success venderdi saira

Venderdi saira hajan els gì 250 visitaders al program da divertiment, e quai saja bun. Mo il mender saja stà sonda saira, cura che 4 gruppas hajan sunà.
Sche quai dat in Open Air Trun 2016 n'è betg anc decidì.