Siglir tar il cuntegn

Header

cuntegn

Surselva Or d'in clavà vegn fatg a Rueras in atelier da taisser

Blers clavads na vegnan betg pli duvrads. A Rueras amez il vitg vegn in clavà funcziunà enturn sco atelier da taisser.

audio
Mezdi: Atelier da taisser a Rueras
ord Actualitad dals 27.07.2015.
laschar ir. Durada: 3 minutas 27 Secundas.

Co nizzegiar il clavà ch’è collià cun la chasa da vacanzas a Rueras è adina puspè stà in tema tar Christina Marugg. Cun l’interess per il taisser è lura era l’idea da far in atelier da taisser en il clavà naschida.

Uschia è vegnì fabritgà en il clavà ina stanza, là han trais talers plaz. Quels na vul Christina Marugg dentant betg mo duvrar per ella. En l’atelier vul la dunna ch'abitescha en il chantun Turitg porscher curs da taisser. L’emprim curs duai avair lieu l’entschatta october, il segund l’avrigl. Drizzads èn quels curs a giasts da vacanzas u er ad indigens che vulan far in curs da taisser a Rueras durant in’emna.

Christina Marugg pudess dentant era metter avant da porscher curs per fins d’emna ed era da gist dar albiert e dunsena als participants.

Artitgels legids il pli savens