A Sagogn datti 25 sorts dad orchideas. Ellas vegnan tgiradas dapi 10 onns da la Pro Sagogn. Tgirar vul dentant betg dir ch'ins porta aua u cultim en il guaud. Na, tgirar vul simplamain dir che la Pro Sagogn metta si tavlas, nua che las orchideas creschan e fa uschia attent da betg passar sisura. Plinavant discurra la Pro Sagogn cun ils lavurers da vischnanca e cun ils purs per fixar termins cura segar ils prads e las spundas, nua che las orchideas creschan.
audio
Bunura: Orchideas a Sagogn èn segn per la biodiversitad
ord Actualitad dals 19.06.2019.
laschar ir. Durada: 3 minutas 16 Secundas.
Orchideas dovran...
- ... in bulieu per sa multiplitgar
- ... differents insects per vegnir fructifitgadas
- ... ina terra adattada ed in bun clima chaud per crescher
Pervia da lur cumplexadad da viver èn ellas buns indicaturs per dir, sche la biodiversitad constat anc.
RR actualitad 08:00