Siglir tar il cuntegn

Header

Staziun da la Pendiculara Mustér
Legenda: Pendiculara Mustér sto eventualmain quintar cun recurs cunter la zona d’ennavar. RTR, C. Albin
cuntegn

Surselva Organisaziuns d’ambient han dubis davart zona d'ennavar a Mustér

La fin schaner è scadì il temp per far recurs cunter la revisiun parziala da la planisaziun locala da Mustér. Quai suenter ch’il suveran ha approvà questa cun gronda maioritad il november. Recurs hai dà nagins. Sulet las organisaziun d’ambient Pro Natura e WWF han prendì posiziun.

Sco quai che Anita Mazzetta dal WWF ha confermà a RTR, han las duas organisaziun inoltrà questa posiziun pervi da la zona d’ennavar che cumpiglia ina palì da muntada naziunala, pervi dal diever d’aua e la dumonda da nua che quella vegn ed era pervi da las lingias d'aua. Las organisaziuns d’ambient spetgan ussa sin la decisiun dal chantun. Sche nagins da lur giavischs vegnan resguardads, vegnan las organisaziuns a far recurs cunter questa zona.

Da vart da las Pendicularas Mustér èn ins in pau surstà da questa posiziun. Sco quai ch’il directur Rudolf Büchi ha ditg a RTR, hajan ins gia gì pliras giadas ordavant contact cun las organisaziuns d‘ambient per pudair resguardar uschè bain sco pussaivel ils giavischs. Tar l’exposiziun da cooperaziun dal project hajan las organisaziuns dentant betg prendì posiziun. Sco Büchi di vinavant, na vegnia la palì gnanc tangada da l’ennevaziun. Las Pendicularas Mustér vegnian ussa era prender posiziun sin tut ils puncts ord la posiziun da las duas organisaziun d’ambient e surdar questa al chantun.

Nagins recurs

Recurs da vart privata n’haja quai betg dà, ha ditg il president communal Francestg Cajacob. Sper la zona d’ennavar pertutga la revisiun era la zona per il nov ressort Catrina da las Pendicularas Mustér, la zona per in hotel da cura sper l’Hotel Disentiserhof e la zona da mastergn Plaun da diras.

Dapli da Surselvaavrir la Landingpage

Nach links scrollen Nach rechts scrollen