La gronda sfida tar l’orgla da Surrein è ch’igl è da cumbinar parts veglias cun novas, declera il restauratur e construider d’orglas Peter Kraul. Tant sco pussaivel è vegnì salvà da l’orgla veglia. Uschia las fiffas e tut quai ch’è stà pussaivel da la mecanica. Qua vegn schubregià davent la miffa e restaurà nua ch’i fa basegn. Cumplet nov vegn il vestgì da l’orgla fatg e quai ord lain d’ischi.
Tuns nungiavischads
Il problem da l’orgla da Surrein, che ha gia 125 onns, eran cunzunt ils portavents. Quai è il lieu che reparta l’aria sin las differentas fiffas. Sco quai che Peter Kraul ha declerà, avevan quels fessas che laschavan ir aria era tar tuns che l’organist na smatgava betg. Ussa èn questas fessas vegnidas serradas uschia che l’aria va puspè en il dretg lieu.
L’orgla na vegn dentant betg montada ensemen dal tut en Germania. Quai succeda pir en baselgia a Surrein en il decurs da la stad. Pir lura audan ins puspè l’orgla. Ils custs per restaurar l’orgla ha la plaiv da Surrein calculà cun 270’000 francs.
L'orgla è vegnida demontada ord la baselgia da S. Placi a Surrein il mars passà.