Siglir tar il cuntegn

Header

Navigaziun

cuntegn

Surselva Ospital Glion: 700 pazients il favrer

En la staziun d'urgenza da l'ospital regiunal Surselva èn vegnids tractads il favrer passa 700 pazients. Ina gronda part da quests tractaments sajan d'attribuir al sport d'enviern, scriva l'ospital regiunal da Glion.

Persuna cun calzers da skis en staziun d'urgenza.
Legenda: Dals sportists d'enviern ch'èn vegnids tractads en l'ospital gievan 70 pertschient cun skis. MAD

Las autas frequenzas sin pista hajan chaschunà a l'ospital regiunal la fin d'emna en media 40 fin 50 pazients d'urgenza a di. Tge che croda en egl è ch'ils pazients èn vegnids quest onn pervi d'autras blessuras en l'ospital che l'onn passà.

Differentas blessuras

Ils emprims dus mais dal 2018 haja dà remartgablamain dapli ruttadiras d'ossa, da giugadiras e da la schanuglia. Ils dus mais da quest onn percunter haja l'ospital regiunal tractà bleras ruttadiras da las giugadiras, da las spatlas e dal clavigl. Tenor la communicaziun pon differentas structuras da las pistas sco era l'aura esser la raschun per talas differentas blessuras.

RR novitads 10:00