Questa primavaira han ins constatà sisum il spitg che la Panera setga. Actualmain è in terz da la planta vegliurd grisch e la roma perda las guglias. Tenor il president communal Aurelio Casanova ha l'uffizi forestal da la vischnanca da Glion l'intent da pinar la Panera. E quai anc en il decurs da quest atun. Motivs da segirtad e ristga sforzan probabel da prender quella mesira radicala. Per ils da Luven è quai ina trista sperdita. Ils 29 da december 2015 avevan els anc fatg ina festa per lur «Panera».
Planta giganta
L'onn 1915 aveva pader Karl Hager descrit per l'emprima giada questa planta. Lura aveva la planta ina autezza da 33 meters, 100 onns pli tard , il 2015 ha il vegliurd da 250 onns cuntanschì ina autezza da 48 meters, quai è circa uschè aut sco ina tur baselgia. Ma la planta n’è betg mo auta, ella è era grossa e ferma. Per embratschar la planta dovr’ins almain sis persunas che dattan il maun ina a l’autra.
Ed oz - curt avant da stuair pinar la Panera - ha questa planta giganta in'autezza da 52 meters ed in diameter da 5.63 meters.
-
Bild 1 von 7. Il spitg da la panera a Luven cumenza a setgar. Bildquelle: RTR, Linus Livers.
-
Bild 2 von 7. La Panera vala sco pign il pli aut da la Svizra. Bildquelle: RTR, Linus Livers.
-
Bild 3 von 7. Igl è in imposant pign sch'ins stat suten. Bildquelle: RTR, Linus Livrs.
-
Bild 4 von 7. Dus terz da la Panera èn gia setgs. Bildquelle: RTR, Linus Livers.
-
Bild 5 von 7. Tenor la mesiraziun è la Panera 52 meters auta. Bildquelle: RTR, Linus Livers.
-
Bild 6 von 7. Il diameter dal bist è 1,79 meters. Bildquelle: RTR, Linus Livers.
-
Bild 7 von 7. La circumferenza è 5.69 meters. Bildquelle: RTR, Linus Livers.
Ord l'archiv RTR: Cuntrasts dals 07.09.2014
Gigants - tschintg bostgs monumentals en il Grischun
RR actualitad 17:00