A Schluein è in parasgulader sa disgrazià mortalmain. El è mort anc al lieu da l'accident, ha annunzià la Polizia chantunala.
L’um da 24 onns era partì curt avant las indesch da Ladir en direcziun Schluein. I saja stà in sgol da scola. Datiers da la plazza d’atterar haja il pilot fatg spiralas e saja silsuenter crudà, scriva la Polizia vinavant. La raschun exacta da l’accident vegn sclerida.
RR novitads 18:00