Il parc prevesa ina zona centrala ed ina zona circumdanta. En la zona centrala n’èsi betg lubì da pestgar u d’ir a chatscha. Era l’economia forestala è scumandada.
Charta va en consultaziun
La charta dal Parc Adula vegn l’emprim discutada en las suprastanzas communalas pertutgadas. Dapi ils 9 da november 2015 èn ils documents da la charta che cumpiglia var 400 paginas publitgà uffizialmain. Infurmaziuns publicas dattan la pussaivladad a la populaziun da s’infurmar e tschentar dumondas.
In gea al Parc Adula maina ad ina cunvegna cun ina durada da diesch onns (2018-2028). Il parc vegn a porscher 18 plazzas da lavur cumplainas. Enfin oz ha il project Parc Adula gia inizià e sustegnì dapli che 80 projects. Tranter ils onns 2016-2019 prevesa il Parc Adula investiziuns da 15.4 milliuns francs.