Siglir tar il cuntegn

Header

video
Parc Adula – Vrin n’è anc betg persvas
Or da Telesguard dals 13.11.2015.
laschar ir
cuntegn

Surselva Parc Adula - persvader Vrin n’è anc betg reussì

Che Vrin saja ina pli dira nusch che Val S. Pieder u autras vischnancas che tutgan al Parc Adula, quai savevan ils promoturs dal parc.

Perquai eran ins era vegnì encunter als da Vrin cun far ina saira d'orientaziun be rumantscha. Mo tuttina n’èn ils promoturs dal Parc Adula betg vegnids da persvader ils da Vrin.

Chauns èn scumandads en la zona da coc

Chauns èn scumandads en la zona da coc dal parc. Quai ha dà bler da discutar. E las respostas betg cleras han chaschunà per anc dapli resistenza tar ils da Vrin.

Parc Adula senza Greina strusch imaginabel

La fracziun lumneziana Vrin è ina impurtanta part dal Parc Adula. Tar quella fracziun tutga la planira da la Greina. In Parc Adula senza Greina n'è strusch imaginabel. Quai san er ils da Vrin. Sch’igl avess dentant dà gievgia saira ina votaziun davart il Parc Adula, fiss quella ida da l’aua giu.

La saira d’orientaziun a Vrin è lura era stada in pau ina prova generala per ils promoturs dal Parc Adula.

Artitgels legids il pli savens

Scrollar a sanestra Scrollar a dretga