L'emprim d'avust 1914 è vegnì inaugurà a Zernez il Parc naziunal Svizzer. Quest onn po el festivar ses 100avel anniversari e spera ch'el survegnia pli prest pussaivel era en Svizra in cumpogn. Dapi 15 onns discutan ins numnadamain la fundaziun d'in segund parc naziunal en Svizra. In territori pussaivel è la cuntrada enturn la Greina ed il Piz Adula. Il project per in Parc naziunal Adula è entrà en ina fasa impurtanta. Actualmain vegn elavurà la charta dal parc, il document central per il manaschi dal parc durant ils emprims 10 onns. Dentant s'organisescha era l'opposiziun cunter il Parc Adula. Ils iniziants ston far cumpromiss e concessiuns tar la zona centrala. En ils Cuntrasts discutan il president da la secziun Terri dal CAS, Giochen Bearth ed il responsabel per il svilup regiunal en il Parc Adula, Rico Tuor schebain il Parc Adula è ina schanza u ina tutela per la populaziun.
Cuntrasts dils 02.02.2014