Tant l'effect per la regiun, sco era las consequenzas sin il stil da viver vegnan valitads en la Surselva plitost negativ. En la part sura dal Mesauc, la Val Calanca, la Val Blegn e la Valragn vegn quai perencunter valità plitost positiv. Project è enconuschent 32% dals dumandads èn cleramain per il parc, 27% cleramain encunter e 41% n'han anc nagina opiniun tar il parc.
Las vuschs cunter in parc vegnan cunzunt or da la Surselva. Sco quai che il WSL scriva en sia communicaziun, saja il project dal Parc Adula bain enconuschent. Otg da diesch persunas che han respundì il questiunari enconuschian l'intenziun dal project. La mesadad da quels han manegià d'esser infurmads bain. En tut èn var 7300 questiunaris vegnids repartids en las regiuns pertutgadas. Bun 900 èn vegnids returnads.