Siglir tar il cuntegn

Surselva Parc da vent en Tujetsch na vegn betg realisà

En Val Nalps è il vent memia flaivel. Las mesiraziuns dals 8 mais passads han purtà resultats da 2,8 meters/secunda.

Las installaziuns per mesirar il vent en Val Nalps/Tujetsch.
Legenda: Las installaziuns per mesirar il vent en Val Nalps/Tujetsch. RTR, G. Hosang

Il minimum per producir energia dal vent fiss 4,5 meters/secunda, ha il manader da fatschenta da l’Energia alpina, Ciril Deplazes, ditg ad RTR. Quai saja in cler resultat, en vista als 2,8 meters/secunda cuntanschids.

Il project è a fin

Perquai na vegn il project d’in parc da vent al lai da fermada da Nalps betg cuntinuà. Quai ha il consorzi da l’Energia alpina, da l’Axpo e da la Romande Energie decidì.

7 turbinas en ils culms

Al lai da Nalps aveva il consorzi planisà da construir 7 turbinas da vent sin in'autezza da 1'900 meters. L’energia da vent avess pudì vegnir manada directamain en il sistem da cabels da l’ovra electrica Rain anteriur.

RR Novitads 07.00