Dapi l'onn 2010 vegn discurrì dal parc da vent en la regiun dal Grenerberg-UmSu-Sezner. Il pli emprim project preveseva anc fin 100 rodas da vent en quella regiun. La davosa varianta è reducida sin 20 rodas da vent, dentant pli grondas che quellas da l'entschatta. Tranteren hai dà plirs concurs, sco era midadas vid il timun da la societad che vul realisar il parc da vent. E la finala è perfin ina segunda societad cumparida che vul tuttenina realisar il parc da vent en atgna reschia.
Per far fin a quai viri veri intervegn la vischnanca
Ussa è il dretg mument per intervegnir, manegia Duri Blumenthal, president da vischnanca da la Lumnezia.
La populaziun duai survegnir ina orientaziun da basa per savair decider, vulain nus in tal parc u betg.
L'orientaziun ha lieu l'emprim d'october, e la votaziun consultativa vegn fatg ils 24 da november. La votaziun consultativa duai esser lianta sco Duri Blumenthal ha ditg.
RR actualitad 17:00