Altaventa, Parc da vent Surselva, Parc da vent Lumnezia, quei è atgnamain adina la medema chaussa. Mo il num sa mida e tranteren schai in concurs.
Guido Schönenberger, il nov possessur da la firma Parc da vent Lumnezia, ha cumprà da l'Ovra electrica da Turitg ils dretgs per il parc. Quai èn las datas rimnadas sur 10 onns da mesiraziuns da vent e las lavurs gia instradadas per la examinaziun da cumpatibilitad ecologica. Era tar il contract cun la KEF descha la garanzia ed indemnisaziun da l'energia da vent a questa societad.
Schönenberger / Imfeld / Zelzer
Ils anteriurs cumpogns n'èn betg pli perina e quai chaschuna dispita. Tenor in fegl sgulond ch'è vegnì distribuì l'entschatta da l'onn vegni a dar ina nova societad che maina vinavant il parc da vent. Per fundar la nova societad sto la veglia vegnir dismessa. Quai vegn para fatg entras in concurs.
L' acceptanza per il project svanescha
Perfin persunas ch'èn avant 10 onns anc stai per l'energia da vent èn oz sa retratgas.
La gruppa d'interess «Sezner-Um-Su-Grenerberg» è inactiva, perquai che tut para da durmir. La gruppa ha dentant annunzià da reactivar sasezza schi vess da schabegiar insatge tar ils iniziants dal parc da vent.
RR actualitad 17:00