Bildergalerie
-
Bild 1 von 3. Cun plaschair ha Jöri Kaufmann avert il nov stan da sajettar per ils chatschaders. Bildquelle: RTR, Linus Livers .
-
Bild 2 von 3. Sco president da l'Uniun da chatschaders Tumpiv ha Vic Desax stuì chattar ina nova schliaziun per sajettar. Bildquelle: RTR, Linus Livers .
-
Bild 3 von 3. La vischnanca da Breil gida da pajar il nov cundriz per ils chatschaders. Bildquelle: RTR, Linus Livers .
Dapi l'onn 2008 ston tut ils chatschaders sajettar en lur buis avant che ir a chatscha. Quai che vegniva pli buad fatg insanua davos stalla, sto vegnir fatg sut controlla.
Stans da sajettar dumandads entras obligatori
Ils stans da sajettar da chatscha èn entras quest obligatori dumandads. Jöri Kaufmann, l'uffizier da Tir federal è responsabel per tut quai che ha da far cun sajettar en il Grischun. El ha avant 5 onns serrà il stan da sajettar da l'Uniun da chatschaders Tumpiv. Quest stan vegl era simplamain privlus.
L’uniun Bostg è alura ida a la tschertga da partenaris che han ils medems u sumegliants problems. La finala èn las duas uniuns Bostg e Tumpiv stadas prontas da collavurar ed han chattà la schliaziun cun il stan da sajettar existent da Pardiala.
Cun 6 schibas electronicas da chatscha dumagnain nus atras in dumber bler pli grond che quai che nus essan.
En questa regiun tranter Vuorz e Tavanasa vegn gia sajettà cun pistola sin 25 meters e cun buis sin 50 e sin 300 meters.
Schliaziun optimala
La schliaziun chattada funcziuna uschia ch'ils chatschaders pon sajettar or dal stan existent da 300 meters. Els han sulettamain stuì bajegiar 4 schibas sin 100 meters e duas sin 150 meters.
Jau hai dastgà accumpagnar quest project da chatscha a Pardiala e poss dir quest project è gartegià fitg bain, jau hai grond plaschair.
Ils custs per quest nov cundriz èn 190’000 francs. Ina part vegn fatga en lavur cumina, var 45’000 francs per ils tschiffaballas paja la vischnanca da Breil ed il rest ston las duas uniuns finanziar.
La Pardiala daventa uschia in center da tir. Il concept per il nov cundriz da sajettar da chatscha preveda che ulteriuras uniuns pon en avegnir sajettar en la Pardiala.