Siglir tar il cuntegn

Header

cuntegn

Surselva Parlament da Glion – mintga fracziun duai esser represchentada

Ils 21 da matg elegia la vischnanca da Glion las novas commembras ed il novs commembers dal parlament per la legislatura dal 2018 fin il 2021.

audio
Mezdi: Parlament Glion – Co funcziuna l'elecziun?
ord Actualitad dals 07.03.2017.
laschar ir. Durada: 2 minutas 56 Secundas.

Tenor il contract da fusiun han las 13 fracziuns era per la secunda legislatura (2018-2021) dal parlament communal il dretg da nominar almain 1 candidat: La fracziun da la citad Glion 10 parlamentaris, las fracziuns Castrisch, Rueun e Ruschein mintgamai 2 parlamentaris e las ulteriuras 9 fracziuns 1 parlamentari.

Termin per annunziar candidats

Il dumber da deputadAs en cumparegliaziun cun il dumber d'abitants.
Legenda: Il dumber da deputadAs en cumparegliaziun cun il dumber d'abitants. Grafica RTR

Enfin ils 14 d’avrigl po mintga abitanta ed abitant da la vischnanca da Glion cun dretg da votar s'annunziar sez per ina candidatura tar la chanzlia communala. Per chattar ils candidats, ston ils parlamentaris actuals organisar, mintgin en sia fracziun, ina radunanza da fracziun nua ch’ils candidats vegnan alura nominads. Per organisar quellas radunanzas survegnan els sustegn dal secretariat dal parlament.

Tschertgà candidats

En il cas ideal propona mintga fracziun almain tants candidats sco quai ch'ella ha dabun mandats en il parlament. Sche quai n’è betg il cas, vegn il mandat «liber» dà ad in candidat dad in’autra fracziun, numnadamain al candidat betg elegì ch'ha fatg las bleras vuschs.

Ultima giada

Quai sistem d’eleger il parlament è valaivel per l'ultima giada. A partir da la terza legislatura (2022-2025) vegnan ils parlamentaris elegids senza nominaziuns da la fracziun.

RR actualitad 11:00

Artitgels legids il pli savens