Siglir tar il cuntegn

Header

Navigaziun

cuntegn

Surselva Parlament e suprastanza da Glion n'èn betg d'accord co spargnar

Il parlament da vischnanca ha renvià d'entrar en la discussiun pertutgant las propostas da spargnar da la suprastanza.

Il parlament da Glion duront ina sesida
Legenda: Parlament da Glion duront ina sesida Linus Livers, RTR

Pli paucas entradas da taglia ed autas investiziuns che derivan da tschertas vischnancas che n'han betg fatg quellas avant la fusiun, sajan ils motivs principals da la situaziun finanziala mumentana, di Carmelia Maissen, la presidenta communala da Glion.

Sin incumbensa dal parlament ha la suprastanza communala da Glion elavurà in messadi che demussa tge pussaivladads che la vischnanca ha per spargnar. Il parlament n'è en sia davosa sesida dentant betg entrà en fatschenta ed ha renvià da tractar la proposta da la suprastanza communala. Enstagl da discutar ha il parlament surdà in'ulteriura incumbensa a la suprastanza, numnadamain d'examinar sche l'administraziun haja memia bler persunal.

Jau resentel or dal parlament schon era adina ina tscherta disfidanza visavi la vischnanca.
Autur: Carmelia Maissenpresidenta communala Glion

Carmelia Maissen ha dentant la speranza che la suprastanza communala ed il parlament chattan ina vista cuminaivla per schliar ils problems finanzials.

RR actualitad 08:00