Siglir tar il cuntegn

Header

cuntegn

Surselva Parlament Glion: L'emprim spargnar tar l'administraziun

La vischnanca da Glion duai l'emprim verifitgar il potenzial da spargnar tar l'administraziun e pir suenter tar la populaziun. Cun quai veto n'è il parlament da Glion betg entrà en la tractanda Maissen ed ha refusà quella per surlavurar.

L'incumbensa da controllar ils process da lavur en l'entira administraziun na saja betg accumplida cun il rapport che la suprastanza haja preschentà. Uschia ha Gion Mathias Cadruvi argumentà ses giavisch da refusar la tractanda pertutgada. Cun 18 cunter 5 vuschs è il parlament suandà a questa proposta. En il sboz vegn pretendì da spargnar cun differentas prioritads. Quai saja da principi endretg. Sco emprim stoppia però er vegnir verifitgà tge potenzial ch'i dettia da spargnar en l'administraziun, uschia Cadruvi.

L’incumbensa da controllar e verifitgar las incumbensas communalas era vegnida inoltrada da Carmelia Maissen il 2017, lura era ella anc parlamentaria.

audio
Mezdi: Parlament da Glion ha refusà incumbensa Maissen
ord Actualitad dals 07.02.2019.
laschar ir. Durada: 3 minutas 29 Secundas.

Contracts cun l'ovra electrica Zervreila approvads

Approvà – per mauns da l'urna – percunter ha il parlament ils novs contracts da concessiun cun l'ovra electrica Zervreila. Cun questa midada, che tut las 10 vischnancas da concessiun ston approvar, survegnan las vischnancas a partir dal 2023 novas pussaivladads da vender lur energia da participaziun. Las 10 vischnancas han ensemen ina participaziun da bundant 15 % da l'ovra Zervreila.

RR novitads 20:00+

Artitgels legids il pli savens