Sagogn è ina da las paucas vischnancas tradiziunalmain biconfessiunalas en Surselva. Il Chor baselgia catolic ed il Chor baselgia refurmà han gì difficultads cun il dumber da commembers. Tuts dus chors han gì da sbatter ed uschia èn els sa mess ensemen sco in chor ecumenic reunì.
Chor ecumenic da Sagogn
-
Bild 1 von 3. Il dirigent Georg Candrian vi dal clavazin durant chantar en. Bildquelle: RTR.
-
Bild 2 von 3. Chor reunì durant emprova. Bildquelle: RTR.
-
Bild 3 von 3. Ils tenors e bass concentrads vid chantar las chanzuns per Pasca. Bildquelle: RTR.
Tar la davosa emprova avant Pasca han 20 chantaduras e chantadurs da tut las vegliadetgnas exercità per ils concerts en las baselgias. En tut ha il chor ch'ha cumenzà a chantar l’atun passà, 30 commembers. Per il dirigent Georg Candrian èn quels concerts da Pasca particulars.
Igl è insatge spezial che nus chantain per l’emprima giada ina messa en la baselgia refurmada. Tuts chantan quella messa cun plaschair.
La messa saja da Gion Balzer Casanova è vegnia accumpagnada sonda saira da l’orgla en baselgia. Las chantaduras è chantadurs han era plaschair vi da la litteratura diversa. In commember dal chor declera, ch’el saja atgnamain catolic ed haja chantà sur onns en il chor refurmà. I saja flot ch'ins possia puspè chantar in zic litteratura catolica.
Per mai è quai bel da chantar omaduas litteraturas.
Ins saja ussa era pli bleras chantaduras e chantadurs, manegia in’autra chantadura, l’atmosfera saja buna. Il chor includa glieud da var 30 enfin 85, tuts sajan averts e dettian tut, di in’ulteriura chantadura.
Georg Candrian è optimistic davart l'avegnir dal chor. Sch’i giaja vinavant uschia, saja el da buna speranza. Il proxim pass fissi da definitivamain reunir ils chors ed era ses statuts.