Johanna Soliva, u sco ella vegn numnada a Sedrun – la Hanny – è ustiera tras e tras. Quai plascha ad ella. Perquai sa gida ella era anc intgins dis en il manaschi da famiglia. Là ha ella era cumpagnia e po far in da ses gronds hobis: dar jass ubain troccas. Dentant, era il töf tutga tar la dunna ch'è creschida si a Son Gagl.
Cumenzà ad ir cun töf ha ella en la vegliadetgna da passa 50 onns. En quest temp saja ses um mort ed ella era savens trista. Uschia haja ella tschertgà in'occupaziun ubain in hobi per pudair avair distracziun.
Durant ir cun töf stoss jau ma concentrar ed hai uschia betg gì temp da far patratgs ubain esser trista.
Per ella saja adina stà cler ch'ella vul sulettamain ina Harley – quai saja cult. Quai muntia libertad.