Ditg n'hajan els betg savì, sch'els possian insumma manar tras il «Super Summer Camp» questa stad, di Daniel Fürer, l'organisatur dal champ. Ina giada che la decisiun saja stada crudada, haja la planisaziun che era gia fatga il schaner, entschet anc ina giada da l'entschatta.
En il cas normal fiss la planisaziun stada fatga il schaner. Quest onn s’annunzian patinaders e patinadras pir uss e giavischan in plaz per la fin dal mais.
Dapi il matg sa midia quella planisaziun quasi da di tar di, perquai ch'ils patinaders e las patinadras n'hajan da lur vart era betg savì planisar pli baud la stagiun. Perquai sto l'organisatur Daniel Fürer far ina planisaziun rullanta.
Concept da segirtad
Il concept per la halla da glatsch «Prau la Selva» vegn cumplettà cun il concept da segirtad per il «Super Summer Camp». Uschia èsi da purtar mascras en la halla – sulettamain sin il glatsch dastgan quellas vegnir allontanadas.