Patrouille des Glaciers - La natira ha decidì – E tut las preparaziuns èn per il giat?

Las preparaziuns per la cursa da la Patrouille des Glaciers èn lungas e diras. Gia l'onn passà ha il trio sursilvan enturn Otti Flepp, Marco Schmed e Gabriel Degonda cumenzà a trenar. Quai magari ensemen e magari era separà. Uschia ha Marco Schmed, che lavura tar las pendicularas da Mustér, per exempel cumbinà ses trenament cun il viadi a la lavur en il territori da skis da Mustér. Pia levar la bun'ura enturn las 5:00 per esser las 8:00 en biro. Là ha el fatg tranter 1'200 e 1'600 meters d'autezza aifer 1,5 fin 2,5 uras. Era Gabriel Degonda ha trenà bler durant far turas. Ed Otti Flepp ha pudì profitar sper il trenament specific da sia lavur sco guid da muntognas.

Betg l'emprima giada

Ch'i veglian sa participar a la cursa han ils trais amis decidì l'onn passà. Per tuts n'èsi betg l'emprima giada. Il pli rutinà è Gabriel Degonda (*1959) da Cumpadials. Sia emprima Patrouille des Glaciers ha el gì fatg l'onn 2012. Quest onn fiss stà la 6avla giada. Otti Flepp (*1969) è gia sa participà trais giadas, per el fissi stada la quarta cursa. Per Marco Schmed (*1977) fissi stà la terza giada. Ch'els na pon betg parter è tras quai ina trumpada.

Ins spetga vess sin quest di e lura rumpan els giu. Lura stoss acceptar quai.

1 / 10

Legenda: Bunura baud en il territori da skis da Mustér. Marco Schmed

2 / 10

Legenda: Era sch'igl è stentus pon els anc avair legher: Gabriel Degonda e Marco Schmed Marco Schmed

3 / 10

Legenda: Ils bels muments dal trenament. Marco Schmed

4 / 10

Legenda: Gabriel Degonda la damaun marvegl. Marco Schmed

5 / 10

Legenda: Erail tgaun è magari da la partida al trenament. Marco Schmed

6 / 10

Legenda: Gabriel Degonda en la montura uffiziala da la cursa. Marco Schmed

7 / 10

Legenda: Gabriel Degonda sin il piz. Marco Schmed

8 / 10

Legenda: Partenza a Zermatt l'onn 2022. Marco Schmed

9 / 10

Legenda: Ils trais amis a l'ultima ediziun: L'onn 2022 eran els gia ensemen a Zermatt, lezza giada ha l'aura fatg cun. Marco Schmed

10 / 10

Legenda: 2022: Remuneraziun meritada. Marco Schmed

L'aura ha decidì

Per motivs da segirezza è la cursa vegnida annullada. Bain pussaivel che quai haja da far cun l'accident tragic dals 10 da mars 2024, manegian ils trais Sursilvans. Ina gruppa era sa disgraziada durant il trenament per la cursa pervi da mal'aura. Tschintg da sis persunas eran scheladas en, la sisavla persuna vala anc adina sco sparida. Las lavurs da salvament avevan stuì vegnir interruttas pervi da la mal'aura. Ed uschia è era l'aura stada decisiva per questa annullaziun da la cursa.