Siglir tar il cuntegn

Header

audio
Bunura: Runals serrads a Mustér
Or da Actualitad dals 21.12.2019.
laschar ir. Durada: 01:59 minutas.
cuntegn

Pauca naiv Runals restan serrads

Ils runals da la scola da skis da Mustér al Sax na pon betg vegnir averts sur ils dis da Nadal. La naiv ch’era l’emna passada anc avant maun, ha il favugn luà davent. Cun las temperaturas autas n’èsi il mument era betg pussaivel da far naiv artifiziala.

Tuts van si Caischavedra

Il territori da skis da Caischavedra da las pendicularas da Mustér ha dentant il mument avunda naiv. Perquai vegnan tuts dischlocads si Caischavedra, di il manader da la scola da skis da Mustér Giusi Flepp. L’infrastructura sco tarpuns u era il plaz manchia, ma il mument saja la stagiun gist a l’entschatta e tut possia sa midar svelt.

Era vegnian tut las scolastas ed ils scolasts ad esser engaschads sur ils dis da Nadal, perquai che las reservaziuns surtut per la segunda emna da Nadal sajan fitg bunas. Ed ultra da quai basegnian gist ils novizs dapli sustegn, nua che las pistas sajan pli taissas, pertge lura stoppian ins era franar ils pli pitschens, di Giusi Flepp.

RTR actualitad 08:00