Siglir tar il cuntegn

Header

cuntegn

Surselva Peduns a Flem pon s’allegrar – i dat ina nova senda

La regenza ha dà glisch verda per ina nova senda da colliaziun per peduns tranter Unterwaldhaus ed il quartier Waldhaus. Quai scriva ella en ina communicaziun a las medias.

Il trassé saja vegnì determinà gia daditg en la planisaziun locala da la vischnanca da Flem, scriva la regenza vinavant. Il medem mument haja ella perquai er concedì la permissiun da runcar necessaria e refusà differentas protestas da proprietaris cunfinants cunter la runcada.

Avant che la senda possia vegnir construida ha uss anc da vegnir activa la vischnanca. Uschia haja ella anc da realisar definitivamain la procedura per la permissiun da construcziun e procurar per ils dretgs da passadi necessaris a favur da la generalitad, scriva la regenza.

RTR

Artitgels legids il pli savens